कल्याण प्रतिनिधी
आंबेडकरी चळवळीतील ज्येष्ठ पत्रकार, सामाजिक कार्यकर्ते तानाजी कांबळे यांच्या 25 वर्ष अविरत कार्याची दखल घेऊन राज्य सरकारने डॉ.बाबासाहेब आंबेडकर समाजभूषण पुरस्कार प्रदान करून सन्मानित केले आहे.
तानाजी यांना मिळालेल्या या सर्वोच्च बहुमानाबद्दल ऑल इंडिया दलित बहुजन क्रांती सेनेचे राष्ट्रीय अध्यक्ष दिपक भाऊ वानखडे तसेच शिवशक्ती भीमशक्ती चे राष्ट्रीय अध्यक्ष शिवाजीराव म्हस्के यांच्या हस्ते बुधवार 25 जून 2025 रोजी शासकीय विश्रामगृह कल्याण येथे ज्येष्ठ पत्रकार व सामाजिक कार्यकर्ते तानाजी कांबळे यांचा निळी शाल पुष्पगुच्छ देऊन शानदार सत्कार करण्यात आला.
डॉ.बाबासाहेब आंबेडकर यांच्या विचारांवर आणि चळवळीला प्रमान माणुन तानाजी कांबळे हे 25 वर्षाहून अधिक काळ पत्रकारिता आणि सामाजिक क्षेत्रात अविरतपणे कार्यरत आहेत.या क्षेत्रातील त्या़चे योगदान महत्त्वाचे आहे.ज्येष्ठ पत्रकार तानाजी कांबळे यांच्या उल्लेखनीय कार्याबद्दल राज्यसरकारने दखल घेवून त्यांना डॉ.बाबासाहेब आंबेडकर समाजभूषण पुरस्कार दिला .ही आनंदाची बाब आहे.एका सच्चा आणि प्रामाणिक भीमसैनिकाच्या कार्याला न्याय मिळाल्याची प्रतिक्रिया र्ऑल इंडिया दलित बहुजन क्रांती सेनेचे राष्ट्रीय अध्यक्ष दिपक भाऊ वानखडे आणि शिवशक्ती भीमशक्ती चे राष्ट्रीय अध्यक्ष शिवाजीराव म्हस्के यांनी सत्कारानंतर व्यक्त केली आहे.
र्ऑल इंडिया दलित बहुजन क्रांती सेनेच्या कल्याण डोंबिवली शहर महिला जिल्हाध्यक्षा जोस्नाताई साबळे,पक्षाच्या महाराष्ट्र प्रदेश महिला संघटक सुनिता खैरनार युवा कार्यकर्ते दिवेश वानखडे आदी मान्यवर उपस्थित होते.
डॉ बाबासाहेब आंबेडकर समाजभूषण पुरस्कार मिळाल्याबद्दल कल्याणमध्ये बोलावून आपला सत्कार केल्याबद्दल समाजभूषण तानाजी कांबळे यांनी ऑल इंडिया दलित बहुजन क्रांती सेनेचे राष्ट्रीय अध्यक्ष दिपक भाऊ वानखडे तसेच शिवशक्ती भीमशक्ती चे राष्ट्रीय अध्यक्ष शिवाजीराव म्हस्के आभार मानले आहेत.
0 Comments